Заменик министерот за транспорт и врски денеска присуствуваше на отворањето на бизнис форум меѓу Чешка и Република Северна Македонија.

Заменик министерот Реџепи во својот говор ја истакна потребата од интензивирање на соработката меѓу домашните компании и оние од Чешката Република со цел да се зголеми трговската размена меѓу двете земји.

„Овие партнерства можат да привлечат инвестиции за отклучување на потенцијалот на нашата земја во различни области. Министерството за транспорт и врски е моторот на локалната економија каде само во моментов инвестираме над 1 милијарда евра во патната инфраструктура, железницата и гасификацијата.

Ова го гледам како можност за понатамошна соработка меѓу македонските и чешките компании, што е целта на овој форум.

Владата на Република Северна Македонија и Министерството за транспорт и врски се силно посветени на континуираната поддршка на сите странски инвеститори во нашата земја“, рече во своето излагање заменик министерот Реџепи.