Капиталните инвестиции имаат одлична реализација и реално очекувам трет и четврт кваратл да имаме дополнително зголемување, истакна министерот за танспорт и врски Горан Сугарески при денешната посета во општина Чашка.

Министерот Сугарески заедно со директорот на ЈП за државни патишта Зоран Китанов и градоначалникот на општината Горан Стојановски, извршија увид во градежните работи во реконструкција на регионалниот пат Чашка-Лисиче.

“Капиталните инвестиции се врвен приоритет. Имаме силна реализација во ресорот транспорт и Ве уверувам дека со истиот интензитет ќе продолжиме и во наредниот период.  Дополнителен стимул на капиталните инвестиции ќе даде и средствата кои ни ги одобрија од кинеската ЕКСИМ банка со кои средства ќе ја засилиме изградбата на автопатот Кичево –Охрид се со цел што поскоро дел од него да го оспособиме за сообраќај. Генерално имаме преку 34 % реализација во патиштата, преку 48 % во гасоводот, во делот на комуналната сфера исто така има силен интензитет на реализација, така да реално очекувам трет и четврт квартал да имаме силен скок на капиталните инвестиции”, изјави министерот за транспорт и врски Горан Сугарески.  

Директорот на ЈП за државни патишта истакна дека засилено се работи во патната мрежа во општина Чашка со реконструкција на неколку регионални патишта и изградба на нови мостови.

“Во тек е реконструкција на регионалниот пат Чашка - Лисиче, исто така во моментов се работи на реконструкција на делот од Гостиражни до Петле, за да може општината да ја поврземе со Прилеп. Минатата година го реконструиравме патот од Богомила до Согле и од Чашка до Стари Град. Така да од сите страни општината има реконструирана патна мржаа. Но она што е најважно од денеска започнуваме со изградба на најстариот мост во Богомила, изграден уште во турско време, што е најголемо барање на жителите во Богомила”, изјави директорот на ЈП за државни патишта, Зоран Китанов.

За градоначалникот на општина Чашка, инвестициите во патната мрежа се од особено значење бидејќи економски ќе го зајакне регионот и ќе ја подобри комуникацијата меѓу граѓаните.