Министерката за одбрана Славјанка Петровска и министерот за транспорт и врски Благој Бочваски, денеска доделија триесетина решенија на сегашни  и пензионирани припадници на АРМ, со право на сопственост за станови кои им се доделени од поранешниот фонд на ЈНА а до сега не можеле да стекна сопственост над истите. 

Во прилог интегралното обракање на министерот Бочварски: 

"Драго ми е што денеска со министерката Петровска стоиме пред припадниците на Армијата и како што ветивме, тоа ветување го исполнивме.

Владата на Република Северна Македонија подденакво е фоксуирана на решавање на статусот на сите граѓани,  кои од било какви причини до сега немаа можност да го решат станбеното прашање.

Денеска за сите овие лица, неизвесноста што траеше со децении и децении, станува вистинска можност да си ги откупат становите и конечно да го решат сопственото станбено прашање.

Да појасниме, се работи за Закон кој во 2021 година беше изгласан во Собранието, а се однесува на лица вработени во Министерството за одбрана, во Армијата на Република Северна Македонија или поранешни вработени, да можат да ги откупат становите доделени од поранешната ЈНА, станови кои им биле доделени на користење на овие лица без претходно да можат да се стекнат со право на сопственост.

Имавме многу отворени пршања како да го решиме ова, но секогаш доаѓавме до ист заклучок дека овие лица заслужуваат статус на сопственици на становите кои живеат и по триесетина и повеќе години во нив, а заради поделбата на тогашните републики, им се скратуваше можноста да остварат право на сопственост.

Би сакал во оваа прилика да им честитам на овие триесетина сегашни и поранешни припадници на АРМ и да потенцирам дека со министерката Петровска ги направивме вистинските чекори за да се овозможи денеска да ги добиете договорите за сопственост.  И навистина драго ми е, честитки за сите.

- Да појаснам дека согласно Законот, право на откуп имаа лицa кои имаат решение за доделување на користење на станот а кои се државјани на Република Северна Македонија.

- Лица вработени во Министерството за одбрана или Армијата и лица кои по пат на спогодба помеѓу Министерството за одбрана и друго правно лице засновалe работен однос кај друг работодавач, а во Министерството за одбрана односно Армијата работелe најмалку десет години или стекнале право на пензија.

- Лица од семејното домаќинство на корисникот на станот доколку  корисникот е  починат а поседуваат соодветен документ за користење.

Во однос на продажната цена на станот, таа е утврдена врз основа на градежната вредност, трошоците за уредување на градежното земјиште, местоположбата и амортизацијата на станот. Цената ја утврдува АД стопанисување со станбен и деловен простор од значење за Републиката.

Во следниот период мешовитата Комисија ќе работи на уште десетина предмети кои исто така извесно е дека ги исполнуваат условите и се надевам во многу брзо време и тие лица ќе добијат договори за сопственост.

На крај да истканам дека ова е еден од начините како оваа Влада води сметка сите граѓани и уверуваме дека со слични мерки и политики ќе продолжиме и во наредниот период, заради подобри услови и обезедување на достоинствен живот за сите граѓани",истакна министерот Бочварски.